Nu LOOK pote yon lòt vizaj pou tout fanatik konpa li yo. Nan plizyè album ke NU look fè, tankou Big mistake, Still News, Abò, Confirmation, Nu look pat janm yon djazz ki te konn ap anvayi fanatik li yo ak plizyè video. Dèfwa, Nu look te konn menm lage album san ke li pa fè okenn video. Si nou ap panse ak anpil bèl mizik ke Arly chante, tankou Notre histoire, illusion, a qui la faute, why do you say you love me, wasn’t meant to be, Souvenir, lanmou pa fini, etc… Tout mizik sa yo te ka fè anpil bèl video. Ebyen, Kòm maestro Arly Lariviere te fè konprann ke li pap kite fanatik li yo soufri ankò, ebyen sanble ke l’ap kenbe pwomès li. AVèk nouvo album ” I got this ” la, li sanble ke maestro a vrèman devwe pou li bay fanatik li yo plis ke 100 % li menm. Apre premye video li te lage apre album nan te finn soti a, li deside fè yon lòt video pou bèl grenn mizik sa ki rele ” Confession. ”
